*****قالوا زمان، أمثال شعبية مغربية********

اللي قال العصيدة باردة, ادير يدو فيها.

مكلسني كلسة خوك و حاسبني حساب عدوك.

عيات موت الحمق ما تعض فشاربها, قاليها من جهتي غير قطعيه.

علاش عطيتي ميتين يعطي لباك كيتين, لا خد حمر لا سوالف ملوية.

لالا زينة و زادها نور الحمام.

تيبيع القرد و تيضحك على اللي شراه.

ما حد ليتيمة تتبكي, و ربي تيزيدها.

اللي بغى الزين, يصبر لتقيب لودنين.

ما عند القرعة ما ترعى من غير مشيط راسها.

كون تصحابها تكتاب, من دق الباب.

شكارت العروسة مها, خالتها و الحزارة جارتها.

عطاونا ثلث كواش, منهم غطا و كواش.

الشوف ما يبرد الجوف, والناقة ما ترضع الخروف.

الحرفة الى ما غنات تستر, أو واقيلا تزيد فالعمر.

اللي ما تيخيط كساتو, يطيب غذاتو, يحلب شاتو عزيه فحياتو.

المعروض فنهارو, يبقى فدارو.

الهضرة عليك أ لحادر عينيك.

إلى مات البو توسد الركبة, الى مات الأم توسد العتبة.

إلى طلقتي المرا, ما توريها دار باها.

الطلاب يطلب و مرتو تصدق.

العمى و العميات و ظفار الجنيات, الأولى تصوت, و الثانية تلوط, و الثالثة تضرب

لبوط.

لا تسرج حتى تلجم و عقد عقدة صحيحة, و لا تكلم حتى تخمم لا تعود عليك فضيحة.

الزين بحروفو؛ ديه لمو تشوفو, القرع بفلوسو؛ أرا داك الراس نبوسو.

حماتي لالتي و بنتها مولاتي.

حماتي و جه الدلو, هي حارة و ولدها حلو.

كثرة عطيني ما تخلي حد يبغيني.

دخل ياكل الفريك أصبح معانا شريك..

اخدم يا صغري على كبري..

اخدم بكري ولا روح تكري.

خبز الدار ياكلو البراني.

دخلناهم يشربوا الرايب قالوا حقنا فالزرايب.

دوام الحال من المحال.

الدنيا دراعة كل واحد كيلبسها ساعة.

نوصيك يا واكل الخوخ من عشرة رد بالك , في النهار تظل منفوخ وبالليل تبات هالك

الزين, الا زين الفعال.

وجه الشارفة ما يخفى, ولو تحكو بالحلفة.

اللي مدت يدها للحنة, تمدها كلها.

الزين في بناتنا سلالة, من العمة للخالة.

امدح صاحبك مع الناس, و لومو الراس فالراس.

لو كان الصفيحة ترد العار, لو كانت رداتو على الحمار.

كون أزماني حرش, و ها وجهي بوس و طرش.

تفكر حبيبك و هواه, تفكر فعايلو و نساه.

العشق المزروب, كله عيوب.

ما كينسي البنت في امها غير همها.

حل عينيك قبل الزواج, أما بعدو غير غمضهوم.

الهم المنحوس, خليتو فدار با لقيتو فدار العروس.

اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.

دِيرْ عِينْ شَافَتْ وَعِينْ مَا شِافْتْ.

اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.

أش خاصك العريان الخواتم آمولاي.

الشطابا أعروسا والجفاف أنفيسة.

ما نعطيوش خيرنا لغيرنا.

زواج ليلة تدبيره عام.

تا تطلب الزيت من السفناج.

الفقيه اللي نتسناو براكته ادخل للجامع ببلغته.

اربط احمارك مع الحمير، يتعلم الشهيق والنهيق وخرجان الطريق.

إيلا ارخص الشعير اغلات الحمير.

الحمار مخبي ووذنيه برّا.

اجيو تعلمو الحسانه في روس اليتامه.

طاجين الشمايت، النصبا وقلة ليدام.

احمر يا المشكورة، دبحو الجرو وصلاو على الهيدورة.

اللي ضرقك بخيط ضرقو بحيط.

اللي اطيبو المعفونة ياكلو رجلها.

الي دار راسوا قي النخالة ينقبوه الدجاج.

مبعيدة غير تادلة اما سبع حمير موجودة.

لي ضروا رسوا, اعاود لرسوا.

الكلب الى ما نبح ماعند مولاه فيه ربح.

حزموني ورزموني ولا تعولو عليا.

الى تقادو لكتاف يعود الكبير يخاف.

اللي تيشطح ما تيغطيش وجهو.

اللهم النعاس في الخلا ولا ضيافة البخلا, اللهم النعاس في البرد ولا ضيافة القرد.

كل قرد في عين مو غزال.

الرجل بالهمة أما اللحية راها حتى عند العتروس.

هبيل تزوج هبيلة وتهنات القبيلة.

حتى زين ما خطاتو لولا.

العتبة مجرودة والركاني بالدودة.

لو كان الحمام تيبيض كون بيض قبابو.

الزين تيحشم على زينو والخايب الا هداه الله.

اللي تسحر مع البعالك يصبح فاطر.

النواض (لفياقة) بكري بالذهب مشري.

لحوانت متصافه و الارزاق مختلفة .

باش تاكل الشوك أ عمي الجمل, باللسان لحلو.

لعروسه فوق الكرسي معرفتي فين ترسي.

لوجه المشروك عمر ما يصف.

الجديد جديد و لبالي لا تفرط فيه.

دير ما دار جارك ولا حول باب دارك.

الدوام يثقب الرخام.

الخُبْز والمَا مَا تْخَلِّي عَلَى القَلْبْ غمَّه.

دارنا ساترة عوارنا.

السلطان بالتاج و كيحتاج.

اللي عضو الحنش كيخاف من الحبل.

ختار الجار قبل الدار.

اللي قال ليك قال عليك.

جا يكحلها عماها.

على قد لحافك مد رجليك.

عين بنادم مايعمرها غي التراب.

سال المجرب ماتسال الطبيب.

شكون يحك القرع غي ظفارو.

عشرة د ليهود على قنفود ومادبحوه .

اللي مشى بلا عراضة يجلس بلا فراش.

لمكسي بديال الناس عريان .

عند رخصو تخلي نصو.

اللي سبقك بليلة سبقك بحيلة.

ولد الفار ما يكون غير حفار

بيضة اليوم احسن من دجاجة غدا

عدي بالنعالة حتى يجيب الله السباط.

الخيل واقفة و الحمير تتبورد.

عند رخصو، تخلي نصو.

اللي بلاه الله بالسعاية، يقصد الديور الكبار.

الحر بالغمزة، والعبد بالدبزة.

الحرث بالنية والزواج بالنية.

عز الخيل مرابطها.

إلا شفتي النحل في الباب، عرف بأنه العسل في القصعية.

قال ليه شمتك، قال ليه عرفتك.

اللي عطى راسو للحجام، يصبر.

قليل ومداوم، أولا كثير ومقطوع.

الفرنك البيض ينفع في النهار الكحل

قيس, قبل ما تغيس.

اللي حرثو الجمل، دكو.

العكر فوق الخنونة.

المرأة، شاورها ومتديرش برأيها.

المحامي؛ شفار و متيخونش، الطبيب, جزار ومتيدبحش.

طلع تاكل الكرموس ، نزل شكون قالها ليك.

طل طل تشبع ضحك.

اللي عضو الحنش، يخاف من القنبة

كايس على حمارك، تحج عليه.

اللي كيشطح، متيضرق لحيتو.

دير ما دار جارك ، أو حيد من حداه.

اللي دا شي، اداه، واللي زلق جا على عين قفاه.

اللي مشيت على قبلو ماجبتو، واللي خليتومالقيتو .

اللي تسحر مع الدراري، يصبح فاطر.

اللي بغا طريق المحكمة، يوجد الدرهم المصرف، والصباط المطرف.

إسمحوا ليـا، اللسان مافيه عظم.

الثلث الخالي في الدنيا هو راس بنادم

النهار بعويناته والليل بوديناته.

إلا فاتك الطعام، قل شبعت.

إلا فاتك الكلام، قل سمعت.

إلا طردك البخيل، عند الكريم تبات.

المرا اللي تطوف ما تغزل صوف.

ما بعد الأم حبيب، ما بعد الجوع طليب.

إلا حلفوا فيك الرجال بات ناعس , إلا حلفوا فيك النسا بات فايق.

الزواج والموت هم لا يفوت.

خذ المرا الأصيلة ونام على الحصيرة.

الحرة إلا صبرت دارها عمرت.

للي شتيها بسعدها اعرف كاتكمل من عندها.

شاور مراتك واعمل ريك، شاور مراتك وخالف ريها.

المرا كاتهرب من الشيب كيف النعجة من الذيب.

اللي كايعمله يبليس في عام كاتعمله العكوزة في ساعة.

كل خنفـوس عنـد أمـه غـزال

الجـدي مـا كيلعب غيـر في حجـر أمه

ديـر النية ونـعـس مع الحية تصبـح لك حـاجتك مقضية

إتبع الحمـار يعلمك الشهيك ولآ النهيك ولآ خـرجـان الطـريق

ما تضرب حتى تقـرب و ما تصحـب حتـى تـجـرب

صيـاد اللبية يلكـاهـا يلكـاهـا

جـوعي في كـرشي وعنايتي في راسي

التبن والراحة ولا الزرع والفضيحة

غـطـى عيبه بالسطـل وجا يطل

اللي غلبـوه اليهـود كيمشي لليهـوديات

العيب على الجمل الى طلع للسطح أما الديك هاديك سيـرته

الفقيه اللي كنتسنـاو باراكته دخل للجامع ببلغته

المرأة شاورهـا لا تديـر بـرايهـا

شـوف العودة عـاد تشـري بنتهـا

اللي عنده امه في البيت يدهن فمه بالـزيت

اللي دا بنت عمه بحـال اللي عيد من غنمه

الدجاجة في الموت و عينها في النقيب

الـزين في الذفلة و عروقهـا حـارّين

غسلات الـدجاجة رجليها و نسات ما فات عليها

حتى خروف ما زاد بصوفه

جاري لقـريب خيـر من خـويا لبعيد

طاح الحيط على ظله

الفم المسدود ما يدخله ذبـان

الكذوب ما عنده رجلين

نهار عيدكم نهار جوعكم

اللي خاف نجا

قالوا ليه بكّـر؛ صلّى العشاء و جاء

اللي زرع الشوك تيحير فاحصادو.

دوام الحال من المحال.

حوتة كتخنز شواري.

العمش فدار لعمى بعينيه.

الحر بالغمزة و العبد بالدبزة.

ما مور الشدة الا الفرج.

اللي فاتك خليه لبناتك

اللي كيربي ولاد الناس بحال اللي كيدق الما فالمهراز

خدم يا التاعس لناعس

الجزار كيتعشى باللفت

الشاكر العروسه امها و اختها و الجالسه قبالتها

سبق الميم ترتاح

مع من شفتك مع من شبهتك

قالو اش خصك يا العريان قالو خصني الخاتم أمولاي

العبد في التفكير و الرب في التدبير

ضربة بدمها ولا كلما بسمها

عز الخيل مرابطها

لي بغا طامو يحل بزطامو



وأخيرا أتمنى لكم التوفيق في الدراسة ديالكم وشكرا